Umqeqeshi omusha weCape Town Spurs u-Ernst Middendorp ucebise abadlali ngokubaluleka kokubamba umgqigqo kusaqala umdlalo kunokuthi bajwayele ukunyusa igiya uma sebelandela ngemuva.
UMiddendorp ubekhuluma nabezindaba sekuphele umdlalo weDSTV Premiership abahlulwe kuwo ngo 2-1 bebhekene neRoyal AM sDHL Stadium ngoMgqibelo.
UMiddendorp uhlaluke ngezinto ezimcasulile emdlalweni, wathembisa ukuzilungisa ejimini.
“Sizobuyela ejimini kusasa ekuseni (ngeSonto). Kuyinto ejwayelekile ukuthi iqembu linciphise igiya emidlalweni.
Ngizozama ukuyibhekisisa lenkinga, kungenzeka siyilungise ngokuzayo. Iqembu liqala ukuphaphama emaqandeni uma selingenelwe yigoli. Babuya emdlalweni uma sekufanele bathole igoli lokulinganisa.
Bengizibuza ukuthi kungani bangaqinisi ngalomoya uma kusaqala umdlalo. Ngiyavuma ukuthi iqembu lihubha umdlalo kunokuthi lihlasele zibekwa. Sizoyilungisa lenkinga esebhekene nayo,” kuchaza uMiddendorp.
ISpurs sizothola isikhathi esincane sokulungisa izinto njengoba sizokwamukela omkhaya iStellenbosch FC emdlalweni weligi ngoLwesibili.