Owayengumdlali weKaizer Chiefs neSuperSport United, uLebogang Manyama, unethemba lokuthi uzoba nesandla kwimpumelelo yeCape Town City FC esimqashe njengephini lomqeqeshi.
ICape Town City imemezele izindaba zokuqashwa kukaManyana (33) namhlanje ezinkundleni zokuxhumana.
Lo mdlali ukhethe ukuwagaxa emgibeni ngoJune kulo nyaka ngenxa yokuhlushwa ukulimala eminyakeni edlule.
Manyama on joining City's technical team 👇
— Cape Town City FC (@CapeTownCityFC) September 19, 2023
"I'm delighted to join this technical team. I have so many great memories here with coach Eric, and I always said I will be back one day to add more success. This club is home to me." pic.twitter.com/RQPlbIEE7x
Ukuqashwa kukaManyama kubeka ngokusobala ukuthi kukhona okungahambi kahle kwiCape Town City esishaywe imidlalo emine ilandelana kwiDStv Premiership. Abaningi bebelindele ukuthi leli qembu lishaye kwasani ngenxa yendlela eliqede ngayo isizini edlule.
Imphumela yakamuva iyibeke kunombolo 14 kwilog, kanti izobhekana neTS Galaxy ngoLwesithathu, okuwumdlalo ongelula.
Okuzonikeza abaphathi beqembu ithemba kumqeqeshi weqembu, u-Erik Tinkler, wukuthi sebekujwayele ukuqala kabi uma iphela isizini izinto zijike phakathi nesizini. Sekucacile ukuthi abaphathi beqembu bafuna zijike manje izinto.