Umethuli wezinhlelo ozakhele udumo kwiRich Housewives of Durban, uNonkanyiso ‘LaConco’ Conco, ugeqe amagula ngothando lwakhe nowayengumengameli wakuleli uMnuz Jacob Zuma.
Ebhala ekhasini lakhe ku-Instagram, uLaConco uqale watshela abantu ngempilo yakhe esakhula ePalm Ridge emkhukhwini eGoli. Uqhuba aveze ukuthi ngo-2015 wathenga imoto yakhe yokuqala, futhi wayeqashiwe eyintatheli eThekwini. ULaConco uke wasebenza isikhashana kwiSolezwe.
Ugcine ephumele obala ngokuthi wqala ukuthandana noZuma ngo-2016. Uthi noba into yabo babezama ukuyenza ngasese, abanye babebona ukuthi usemathandweni.
“Nabasondelene naye babebona ukuthi kukhona osekhona, abanye baphenya baze bathola izithombe zami. Abanye balinda aze angethule. Ngaleso sikhathi ngangigcwele kuma-airports nakumahhotela njalo ngesonto.
“Kwesinye isikhathi ngangimbona imizuzu ewu-30, futhi engabinankinga nalokho. Lesi sikhathi empilweni yami sangivivinya ngokwemigomo engangizibekele yona empilweni.”
ULaConco uqhuba athi waqhubeka wahlala ngentombi ngoba kwakuyisinqumo sakhe ukuthi usafuna ukuba yitshitshi.
“Ngesikhathi esengilobolile, angiyizwanga ingcindezi. Ngesikhathi sengiwulungele umdanso wokwenza ingane, kwenzeka…wayengithanda ngendlela emangalisayo ngasese, lokho kwafakela abaningi uvalo, ngisho nanamhlanje.
Ngemuva kokulotsholwa, uLaConco wazalela uZuma indodana, kodwa bahlukana ngemuva kwesikhashana.