Uzolandela uFadlu Davids uWayne Sandilands njengoba kuvela ukuthi ngesakhe isikhundla sokucija onozinti kuleli qembu laseTanzania.
Kulindeleke ukuthi iSimba iqinisekise uFadlu njengomqeqeshi omusha weqembu maduze, kanti sebeqalile ukuvela abazomsiza.
USandilands uqashwe AmaZulu ngonyaka odlule kanti ushaya into ecokeme kuwo njengoba esefomini enhle unzonti weBafana Bafana uVeli Mothwa, nesekela lakhe u-Olwethu Mzimela.
UDavids ushelwe yiSimba kulandela ukuvela kwezindaba zokuthi kabazimesele ngokuqhubeka nomsebenzi abebewenza noJosef Zinnbauer kwiRaja Casablanca enqobe isicoco seligi ingashiywe eMorocco.
UZinnbauer kuthiwa ufunwa amaqembu aseMiddle East anemali, kanti sekungene negama leMamelodi Sundowns kumaqembu azimisele ngokumqasha.