Kubikwa ukuthi sekusele kancane owayengumqeqeshi wePSG neTottenham uMauricio Pochettino amenyezelwe njengomqeqeshi omusha weChelsea.
UPochettino sekunezinyanga engasebenzi kulandela ukuhlukana nePSG. IChelsea idinga umqeqeshi omusha kulandela ukuxosha uGraham Potter ohluleke wancama kwesokuqeqesha. Njengamanje izintambo zinekezwe uFrank Lampard naye okungamhambeli kahle njengoba sekucacile ukuthi ngeke ibuyele kwiChampions League ngesizini ezayo iChelsea.
Uzoba wumqeqeshi wesine ngaphansi komnikazi omusha weqembu uTodd Boehly osenomkhuba wokungena kuma-change room abadlali uma ishayiwe iChelsea. Kuzomele asheshe awuyeke lo mkhuba ngoba uPochettino akazwani nabanikazi beqembu abathanda ukugxambukela emsebenzini wakhe.
Kubikwa ukuthi abaphathi beChelsea bafuna umqeqeshi omusha aqale abuke iqembu lakhe manje ukuze ezobona ukuthi yibaphi abadlali azobadayisa uma kuphela isizini njengoba kumele kuncishiswe isibalo sabadlali.