Umqeqeshi weSwallows uDylan Kerr ucasha ngesithupha uma ebuzwa ngesethenjwa sesitobha uWandisile Letlabika ofunwa yi-Orlando Pirates.
ULetlabika ubengekho emdlalweni weDSTV Premiership ngoLwesithathu iSwallows ishaya iCape Town City ngo 3-2 eDobsonville Stadium.
UKerr uthi bambeke ebhentshini uLetlabika ngoba bezama ukumvikela.
“Yebo akhona amahebezi akhomba ukuthi uzojoyina iPirates, yingakho siqoke ukumphumuza ngenhloso yokumvikela. ULetlabika uyingxenye yezinhlelo zeqembu kulesizini. Ngikhuluma nje ungumdlali wePirates,” kubeka uKerr ekhuluma nabephephabhuku iKickOff.com.
ISwallows, ebhekene nenkinga yezezimali, izimisele ngokudayisa uLetlabika kuleliwindi.
ULetlabika (32) ungomunye wabadlali abahola kangcono eDobsonville. Iqembu lingajabula ukumdedela ukuze lizokonga izindleko.