Ngokwemibiko evela kumaphephandaba aphambili ebhola e-United Kingdom, kuvela ukuthi uHarry Kane uzimisele ngokujoyina iManchester United.
UHarry Kane (29) kuthiwa uzimisele ngokuqhubeka nokuphula amarekhodi kwiPremier League, okusho ukuthi akaziboni eya kwiBundesliga noma kwiLaLiga, okungamaligi aphethe amaqembu amfunayo.
Uma ezohlala e-England lo mdlali ufuna ukuya kwiRed Devils, ethungatha umgadli.
Harry Kane secured the @premierleague record on Sunday afternoon for most goals scored in final day games 💪 @HKane 🎯
— Tottenham Hotspur (@SpursOfficial) May 30, 2023
Inkontileka kaKane iyaphela uma kuphela isizini ka-2023/2024 okusho ukuthi iSpurs uma ingamdayisi manje kungenzeka agcine ehambe mahhala.
Okufakela uKane ugqozi lokuthi afune ukujoyina i-United, yithuba lokudlala nakwiChampions League ngesizini ezayo.