Umqeqeshi waMaZulu FC uRomain Folz usencome ibhola elihle leDondol Stars ngaphambi kokubhekana nayo koweNedbank Cup last 16 ngoLwesithathu.
UFolz uncome ibhola leStars ngemuva kokushaya iChippa United ngo 2-0 kumdlalo weDStv Premiership okuyibeke kunombolo 8 kwi-log.
“Sesiyakwazi abakwazi ukukwenza enkundleni. Siwubukile umdlalo wabo neSuperSport United ngokunjalo neminye imidlalo yabo yeligi. Sike sayobabuka bukhoma bedlala njengoba senza kwiqembu esabhekana nalo kwi-last 32.
“Bayiqembu elihle, banabadalali abahle futhi kuzomele siwulungele lo mdlalo.”
Ekhuluma ngokushaya iChippa uFolz uzwakalise ukujabula ngokuthi abangenisanga goli.
“Kuneminye imidlalo eseza kwiligi, sifuna ukwenza kangcono kuyona.”