Isiphekepheke somdlali weMamelodi Sundowns, uCassius Mailula, singene esikwatini seBafana Bafana sokuqala esimenyezelwe wuHugo Broos ngoLwesibili.
UBroos usazosinciphisa lesi sikwati kodwa kulindeleke ukuthi uMailula abe yingxenye yabadlali abazobhekana neLiberia ngoMarch 24 nangoMarch 28 kwimdlalo yokuhlungela i-Africa Cup of Nations.
Kule sizini uMailula usevalele amagoli awu-8 emdlalweni ewu-13 kwiDStv Premiershio. Uyavutha nakwiCAF Champions League njengoba esevalele amagoli amahlanu kwimdlalo emihlanu.
Phambili uBroos uphinde wabiza uPercy Tau, Lyle Foster osedlalela iBurnley, Zakhele Lepasa, noKobamelo Kodisang ogijima ePortugal.
Owayengumdlali weKaizer Chiefs osedlala kwiMLS, uNjabulo Blom, naye ubiziwe. Khonamanjalo, kubizwe umdlali oyedwa weKaizer Chiefs esikwatini, unozinti uBrandon Petersen.
Abadlali bazohlangana ekhempini ngo-19 March.
Isikwati esiphelele:
Goalkeepers: Ronwen Williams (Mamelodi Sundowns), Veli Mothwa (AmaZulu), Brandon Petersen (Kaizer Chiefs), Ricardo Goss (SuperSport United)
Defenders: Nyiko Mobbie (Sekhukhune United), Khuliso Mudau (Sundowns), Siyanda Msani (Richards Bay FC), Innocent Maela (Orlando Pirates), Taariq Fielies (Cape Town City), Nkosinathi Sibisi (Pirates), Thapelo Morena (Sundowns), Aubrey Modiba (Sundowns), Grant Kekana (Sundowns), Mothobi Mvala (Sundowns), Siyanda Xulu (Turan Tovuz, Azerbaijan)
Midfielders: Thapelo Maseko (SuperSport United), Miguel Timm (Pirates), Luke le Roux (Varberg BoIS, Sweden), Njabulo Blom (St Louis City, US), Sphephelo Sithole (Belenenses, Portugal), Sphelele Mkhulise (Sundowns), Grant Margeman (SuperSport), Teboho Mokoena (Sundowns), Monnapule Saleng (Pirates), Khanyisa Mayo (Cape Town City), Pule Mmodi (Golden Arrows), Themba Zwane (Sundowns), Zakhele Lepasa (SuperSport)
Forwards: Cassius Mailula (Sundowns), Mihlali Mayambela (Aris Limassol, Cyprus), Bongokuhle Hlongwane (Minnesota FC, US), Fagrie Lakay (Pyramids, Egypt), Lyle Foster (Burnley, England), Percy Tau (Al Ahly, Egypt), Kobamelo Kodisang (Moreirense, Portugal).