Isitobha seKaizer Chiefs u-Austine Dube uchayise iRichards Bay ebizimisele ngokumboleka lingakavalwa iwindi lokuhwebelana ngabadlali.
UDube (29) usizwa ngendaba isikimu njengoba ebanga ijezi noNjabulo Ngcobo, Siyabonga Ngezana, Zitha Kwinika no-Erick Mathoho.
IChiefs isayinise u-Edmilson Dove okhahlela ngonyawo lwesokunxele, Kwaphinde kwabuya uSifiso Hlanti obelimele. UHlanti, okhahlela ngesokunxele, uyasithola isikimu kulezinsuku.
UDube unenkontileka ephela ngonyaka ka-2024, okuchaza ukuthi usengahlala amasizini amabili eNaturena.
UDube ufuna ukuhlala alwele indawo yakhe kwiChiefs. Iwindi lokuhwebelana ngabadlali lizovalwa ngomhlaka 22 kuSepthemba.
Inkontileka kaDube inombandela wokwelulwa ngeminyaka emibili, okuchaza ukuthi ingaphela ngonyaka ka-2026.