IMamelodi Sundowns igaqele ukusayinisa uSibongiseni Mthethwa odlala ibhola elinenkosi phakathi kulesizini neqembu lakhe iStellenbosch FC.
Iziko labezindaba iSoccer Laduma libika ukuthi iSundowns ihlela ukusayinisa lomdlali ukuze ezoqinisa isisu seqembu uma kwenzeka bededela abadlali abambalwa ngoJanuary.
Inkontileka kaMthethwa kwiStellies izophela ngoJuni wango-2024.
UMthethwa (27) udlala ibhola elihle kulesizini enkabeni yesisu. Ungomunye wabadlali basesiswini abashaya into ecokeme kwiPSL.
Ngisho neRoyal AM ibihlela ukumsayinisa lomdlali ngenyanga eyedlule.
Umqeqeshi weStellenbosch uSteve Barker wakubeka obala emasontweni adlule ukuthi uMthethwa ufanelwe ukubizwa kwiBafana Bafana njengoba esefomini.