Unozinti weMamelodi Sundowns uDenis Onyango uthi bonke abadlali bayazi okufanele bakwenze ukuze banqobe iCAF Champions League kule sizini.
ISundowns yagcina ukunqoba iCAFCL ngo-2016/17, sekuneminyaka izama ukuyinqoba okwesibili ilokhe ishweba. Ngesizini edlule ijike kowamanqamu.
Namhlanje ompetha beBetway Premiership bangesizini edlule bazotholana phezulu ne Al Hilal yaseSudan eLoftus Versfeld Stadium ngo 8 ebusuku.
“Ngicabanga ukuthi bonke abadlalali bayazi kufanele senzeni ukuze sinqobe iChampions League,” kusho u-Onyango ekhuluma nabezindaba.
“Ngesizini edlule kusale kancane ukuthi siyinqobe, ngicabanga ukuthi singayinqoba kule sizini. Bese kunesikhathi sikhishwa kuma semifinal, siyasondela.
“Unzima umsebenzi osihlalele kodwa kuzofanele silwe.”