Umqeqeshi we-Esperance de Tunis uMaher Kanzari uthi bashaywe yiphutha elincane elibaqhathe nenduku emlenzeni wokuqala weCAF Champions League quarterfinal neMamelodi Sundowns ngoLwesibili ntambama.
ISundowns inqobe ngo 1-0 ngegoli elivalelwe wuPeter Shalulile esiwombeni sesibili. I-ES Tunis ihambe eLoftus ingakze imuzwe nakanye unozinti weSundowns uRonwen Williams.
Ekhuluma nabezindaba ngemuva komdlalo, uKanzari uthe unethemba lokuthi bazokujika lokhu emlenzeni wesibili.
“Bekuwmdlalo wamaqhinga aphezulu, omabili amaqembu awawatholanga amathuba acacile…kodwa njengba nazi, kubuye kwenzeke amaphutha emdlalweni, bakora.
“Nginethemba lokuthi esiwombeni sesibili sizobashaya sidlulele phambili.
ITunis neSundowns bazobhekana emlenzeni wesibili ngoLwesibili ngo-9 ebusuku.
Khonamanjalo kweminye imidlalo yayizolo i-Orlando Pirates ishaye iMC Alger ngo 1-0 ekuhambeni, i-Al Ahly ishaye i-Al Hilal ngo 1-0, iPyramids FC ibhubhise iAS FAR ngo 4-1.