Umgadli we-Orlando Pirates uKermit Erasmus uthi ubuyele ukuzoletha intokozo kubalandeli be-Orlando Pirates abazibiza ngeHappy People.
Selokhe ebuyele kwiPirates u-Erasmus usevalele amagoli amabili wathola nama-assist amabili emdlalweni emihlanu kuyo yonke imqhudelwano asedlale kuyo.
Ukufika kwakhe kuze nezinguquko kwiPirates ebibukeka ihluleka ukuvalela ibhola enethini nakuba ibidlala ibhola elihle selokhe kuqale isizini ka-2022/2023 ngaphansi kwesandla sikaJose Riveiro.
“Kungijabulisile ukubuya kwiqembu elifana ne-Orlando Pirates. Kuyangijabulisa ukubuyisa izinsuku ezimnandi kubalandeli bethu. Iyonanto ebalulekile kimina njengamanje.
“Umdlalo wakusasa ukhethekile, kuyigunya ukudlala kuwo njengoba sengibuyile ekhaya,” kuchaza u-Erasmus.
Lo mgadli uthi usakhumbula ethola ama-assist amathathu emdlalweni wabo neKaizer Chiefs abawunqoba ngo 3-1 ngo 2015.
“Iyonanto abalandeli abangikhumbula ngayo kwi-derby, ngiyethemba sizokwazi ukubajabulisa ngendlela efanayo kule mpelasonto.”
Umdlalo wakusasa uzoqala ngo-15:30 ntambama.