Amaphoyisa acela usizo kwabangaba nolwazi ngokubulawa kwamalungu omndeni amahlanu ngembazo eMgodini, e-Edendale.
Ngokwesitatimende samaphoyisa, kutholwe imbazo endaweni yesigameko nezidumbu zabahlanu ngoLwesithathu ntambama
Okhulumela amaphoyisa esifundazweni, uColonel Robert Netshiunda, uthe yilungu lomndeni elifike endaweni yesigameko kuqala, lathinta amaphoyisa.
“Ababulewe, okukholwa ukutthi babulawe ngoLwesibili ebusuku, batholwe yilungu lomndeni ebelivakashile ngoLwesithathu ntambama. Bese kunesikhathi lizama ukungqongqoza kungaphendulu muntu,” kuchaza uNetshiunda.
Kwababulewe kubalwa owesifazane oneminyaka ewu-85, indodakazi yakhe eneminyaka ewu-45 nezingane zayo ezintathu. Ezinganeni kufe amawele aneminyaka ewu-11 nengane eneminyaka ewu-9.
Kutholwe imbazo enegazi endaweni yesigameko.