Kushone abafundi abawu-12 engozini yemoto ebathathuyo neveni eyenzeke ngezithuba zabo-6:45 namhlanje ekuseni eKokosi-Wedela, eMerafong.
Kushone nomshayeli wemoto yabafundi kule ngozi.
Ngokombiko, abafundi abawu-11 baseRocklands Primary School, oyedwa ufunda eLaerskool Blyvooruitsig eCarletonville. Abanye abafundi abayisikhombisa baphuthunyiswe esibhedlela esiseduzane.
UMnyango wezeMfundo eGauteng uthi imoto ethutha abafundi ishayiswe yiveni ngemuva, yaginqika, yasha.
UNgqongqoshe wezeMfundo eGuateng uMatome Chiloane udlulise amazwi enduduzo emndenini, wafisela abalimele ukuthi balulame ngokushesha.
Amaphoyisa asendaweni yesigameko, ayaphenya.