Inkakha yeManchester United, uPaul Scholes, isole ukapteni weqembu uHarry Maguire nonozinti uDavid De Gea ngokudlisela kulandela ukushaywa kweRed Devils ngo 3-0 (5-2 agg) ibhekene neSevilla kwi-quarterfinal ye-Europa League.
ISevilla imuke ne-United izolo kodwa amagoli amabili kwamathathu ewakorile iwaphiwe. Elokuqala iliphiwe wuHarry Maguire obethi ushaya iback pass wavele wafuqa umdlali weSevilla ngebhola, elesibili (obekuyigoli lesithathu) uDe Gea uhluleke ukucisha ibhola, (bekufanele alingqofe ngekhanda empeleni), lathathwa lavalelwa enethini.
Ekhuluma ngemuva komdlalo uScholes uthe uDe Gea uwunozinti osezingeni eliphezulu kodwa kuyamhlula ukudlala ibhola.
UTen Hag ngakolunye uhlangothi umvikelile uDe Gea, wagxeke bonke abadlali ngokungakhombisi izinga abelilindele.
“Kumele sivume ukuthi sizenzele phansi saphoxa nabalandeli. Uma ufuna ufuna ukuphumelela kumele ukukhombise lokho. ISevilla ibibonakala ukuthi ifuna ukunqoba ngaphezu kwethu, akumele sikuvumele lokho, akwamukelekile.”
“Uma wenza amaphutha amangaka akulula ukunqoba umdlalo.”