Ukhalelwe ngamasongo kaSigonyela uthisha oneminyaka engu-58 osolwa nokudlwengula umfundi oneminyaka engu-13 ubudala esifundeni saseCapricorn, eLimpopo ephindelela kusukela ngoNovemba 2024.
Lo thisha kubikwa ukuthi uqale ukudlwengula umfundi kusukela ngoNovomber nyakanye waqhubeka kwaze kwashayanga uMarch 2025. Umfundi uphuthunyiswe ekhaya ngemuva kokwazisa omunye wothisha esikoleni ngalolu daba, kwaqala uphenyo lwamaphoyisa ethungatha umsolwa kusukela izolo.
Okhulumela amaphoyisa esifundazweni, uBrigadier Hlulani Mashaba, uthe uthisha uboshwe ngoMsombuluko.
“Umsolwa uboshiwe kulandela uphenyo olunzulu olwenziwe ngabaseshi bophiko oluphenya ngamacala odlame, ukuvikelwa kwezingane namacala ocansi (FCS).
Uphenyo lokuqala luveza ukuthi lo mfundi wesifazane, 13, udlwengulwe izikhawu eziningi kusukela ngoNovemba 2024 kwaze kwaba uMashi 2025,” kusho uMashaba.
Umsolwa uzovela enkantolo yemantshi eMankweng ngoLwesithathu.