Inhlangano elawula imithi kuleli iSouth African Health Products Regulatory Authority (SAHPRA) ingase ibeke umthetho omusha njengendlela yokuzama ukwehlisa ukusetshenziswa kwesidakamizwa esibizwa ngencika esidumile entsheni.
Lesi sidakamizwa sidumile ikakhulukazi entsheni kanti siyingxenye yenkinga enkulume emhlabeni yokusetshenziswa kwezidakamizwa ezibizwa ngama-opioid, okungamaphilisi okwelapha izinhlungu.
Okhulumela iSAHPRA uNthabi Moloi uveze ukuthi bakhazekile kakhulu ngokuphuzwa kwencika kuleli, ngenxa yalokho bazobeka imithetho ezonqanda ukuthengwa kalula kwemithi ene-codeine.
Phakathi kwezinto eziphakanyiswayo wukuthi onke ama-pharmacy nodokotela sekumele baqophe imininingwane yabantu abathenga icodeine.
Imininingwane izoya kwithimba elizokwazi ukubona ukuthi ngobani abathenga lo muthi ngokweqile. Kuthiwa onke ama-sales athinta icodeine kuleli asezolandelwa kusukela ekufikeni kwawo kuze kube afike kubathengi.
Ngokocwaningo, kwezinye izikole kuleli kunomfundi oyedwa kwabane ophuza incika. Kulolu cwaningo olwenziwa eMpumalanga naseFree State abafundi baveza ukuthi baqala ukusebenzisa lesis sidakamizwa beneminyaka ewu-15 kuya ku-17. Abaningi baveza ukuthi ababazi ubungozi bokusebenzisa icodeine ngokweqile