Ompetha beDStv Premiership iMamelodi Sundowns sebememezele ukuthi kuzoba nezinguquko kwithimba labaqeqeshi kulandela ukukhiswa kwabo kwiMTN8. ISundowns, eshanele kwasani ngesizini edlule, iveze ukythi ayeneme ngokuboza kweqembu muva nje, nokuholele ekutheni kwenziwa izinguquko kubaqeqeshi abathathu okungoManqoba Mngqithi, Rulani Mokwena noSteve Komphela.
“Lezi zinguquko bezidingeka ngenxa yokuboza kweqembu nokunqoba kwalo ngendlela engagculisi osekunesikhathi kwenzeka. IMamelodi Sundowns isembhidlangweni wokuba yiqembu eliwashaya onke e-Africa, imphumela yakamuva ayihambisani nalokho,” kusho istatimende seqembu.
“URulani Mokwena usengumqeqeshi omkhulu, uSteve Komphela uzokhushulwa abe yi-first team coach, uManqoba Mngqithi uzothatha indawo ebiphethwe uKomphela yokuba yi-senior coach. UWendell Robinson uzoqhubeka nokuqeqesha onozinti.