Umgadli weBafana Bafana uVictor Letsoalo ugcine esitholile isibusiso sokuhamba kwiRoyal AM, wasayina kwiSekhukhune United.

Kuvela ukuthi iSekhukhune ikhokhe u-R3 million ithola lomdlali obefunwa iKaizer Chiefs ne-Orlando Pirates.

IRoyal AM ibibeke u-R20 million ekhanda likaLetsoalo ngesikhathi efunwa izinkunzi zaseGauteng.

ULetsoalo ufake incwadi yokucela ukukhululwa eqenjini ngenyanga eyedlule. IRoyal AM imtshelile ukuthi izomdedela ngo-R5 million njengoba sebesayine uSamir Nurkovic, Andre de Jongh noRuzaigh Gamildien.

IRoyal AM iyivumile imali ebekwe iBabina Noko yize ishode ngezigidi ezimbili. ULetsoalo usayine inkontileka yeminyaka emithathu, enombandela wokwelulwa ngomunye unyaka.

Lomgadli (30) ushaye amagoli angu-16 emidlalweni engu-30 I ngesizini ka-2021/22. ULetsoalo ungumdlali ka-14 osesayiniswe yiBabina Noko, kusalindelwe nabanye.