Kusize ukungenelela kweMotsepe Foundation ukuze kulungiseke obekufunwa abadlali beBanyana Banyana ngaphambi kokuqala kweFIFA Women’s World Cup ezodlalelwa e-Australia naseNew Zealand.
Kube ncane indawo ngempelasonto abadlali beBanyana begoloza ukudlala umdlalo owawuhlelwe yiSAFA wokubavalelisa ngaphambi kokuyidlala kwiNdebe yoMhlaba. Abadlali bakhala ngenkundla eyaqashwa, iTsakane Stadium, kodwa ngokuhamba kosuku kwavela nokuthi empeleni into enkulu abayibanga neSAFA ukungaholelwa yile nhlangano ekubeni bezobe bemele izwe.
Abadlali beBanyana bathenjiswe uR565 000 ovela kwiFIFA, enye imali etholwe tiSAFA (R30 million) kuthiwa izosiza ngezinhlelo zomqhudelwano njengokuqasha izindawo zokulala, transport, nokunye.
The Motsepe Foundation has made a pledge to @Banyana_Banyana, this demonstrates our strong commitment to advancing gender equality and promoting #EqualityInSports within our society. This pledge serves as a powerful reminder of the importance of equal opportunities for all. pic.twitter.com/r6vBxWYtip
— Motsepe Foundation (@MotsepeFoundtn) July 5, 2023
Ukuze kweneliseke abadlali beBanyana, iMotsepe Foundation ixhase iSAFA ngoR6 million ukuze umdlali ngamunye ezothola uR230 000 phezu kwemali yeFIFA, okusho ukuthi abadlali bazothola imali ebalelwa ku-R794 000 ngokudlala kwiWorld Cup, ngisho bengaphuma esigabeni samaqoqo. Uma abadlali beBanyana beyibeka kwi-knockout round kuzongena enye imali evela kwiFIFA.