Kuphelile ngesiphakamiso sokuxhasa iTottenham Hotspur ebesivela kumnyango wezokuvasha kuleli, iSA Tourism.
Lokhu kumenyezelwe yilo mnyango izolo kulandela ukusuka kwezinkulumo emasontweni edlule kuputshuka izindaba zokuthi uhlela ukuxhasa iTottenham ngemali esondele ku-R1 billion.
ISA Tourism ibicabanga ukuxhasa iSpurs ngale mali ukuze ikhangise iNingizimu Afrika emjezini wayo nasenkundleni kusukela ngesizini ka-2023/2024 kuya ku-2026.
Baningi abagxeke lesi siphakamiso, kangangokuba kuze kwangenelela umengameli wezwe nePhalamende besichitha.
NgoLwesine ungqongqoshe omusha wezokuvakasha uPatrica De Lille umemezele ukuthi ngeke besaqhubeka nalesi siphakamiso.