I-Orlando Pirates isimemezele umdlali wayo omusha, uDelvi Miguel Vieira, odume ngelika ‘Gilberto’. Lo mdlali oneminyaka ewu-23 usayine inkontileka yeminyaka emithathu esuka kwiPetro de Luanda yase-Angola, ngemuva kokuhlolwa odokotela bePirates nokuvumelana nayo ngenkontileka.

Ngokwemibiko evele emasontweni edlule, lo mdlali ubebukwa nayiMamelodi Sundowns kodwa igcine iqoke ukungamsayinisi.

UGilberto ushaye into ecokeme ngesizini edlule kwiCAF Champions League okwenze wayinyama kumaqembu amakhulu ase-Afrika.

Kubikwa ukuthi iPirates ihlukane noR11 million ukuze isayinise lo mdlali.