Ushiye abaphathi beMan United bebhekene nesinqumo esinzima umqeqeshi weMan United u-Erik ten Hag ezakhe zishaya iManchester City ngo 2-1 kowamanqamu weFA Cup.
IMan United yenze obekungalindelwe abaningi ixebula iCity ngo eWembley Stadium ngoMgqibelo ntambama, okuphakamise eminye imubuzo ngekusasa likaTen Hag njengoba bekubikwe ukuthi uzokhonjwa indlela ngemuva kwalo mdlalo.
Igoli leMan United livalwe wu-Alejandro Garnacho esiwombeni sokuqala ngomzuzu ka-30, ongene ngemuva kodonga lweCity kalula ngemuva kwebhola elihle likaDiogo Dalot. Lo mdlali osethubeni lokuwina iPremier League Goal of the Season ngegoli alishaya bedlala ne-Everton ubeyiphela endlebeni kudonga lweCity umdlalo wonke.
Njengenjwayelo iMan City ibingqongqoza kusukela ngomzuzu wokuqala kulo mdlalo kodwa ize yashaya ishodi elibheke ku-Andre Onana ngomzuzu ka-36.
GARNACHOOO 🫨
— Emirates FA Cup (@EmiratesFACup) May 25, 2024
The @ManUtd man capitalises on a mistake to strike first at Wembley! 🔴#EmiratesFACup pic.twitter.com/olfFq43HG8
ICity ize yabuya emdlalweni ngegoli likaDoku ngomzuzu ka-87 kodwa akwanelanga njengoba amaRed Devils evela agqisha emuva kwimizuzu engeziwe.
Man United kulo mdlalo isebenzise amaqhinga okuhlasela sakuzuma (counter-attack) okuyisizile njengoba ibiphethe abadlali abanesivinini ophondweni (uRashford noGarnacho).
Ivalele igoli lesibili ngomzuzu ka- uKobbie Mainoo eqedela umnyakazo omuhle weqembu; ipass enhle yokugcina ivele kuBruno Fernandes. Bekuyigoli lesine likaMainoo kwisizini yakhe yokuqala kwi-United.
Noma enqobe lesi sicoco uTen Hag, kusanemibuzo ngekusasa kwi-United njengoba bengenzanga kahle kwiligi. I-United iqede kunombolo 6 kwiPremier League.
Ngesizini edlule lo mqeqeshi unqobe iCarabao Cup, waqeda kunombolo 3 kwiligi.
YOU COULDN'T WRITE IT 🤯
— Emirates FA Cup (@EmiratesFACup) May 25, 2024
Academy graduate, Kobbie Mainoo scores in the #EmiratesFACup Final for @ManUtd 😱 pic.twitter.com/d68cAKvaE8