Umqeqeshi weBafana Bafana uHugo Broos useveze isizathu ngokushiya ngaphandle uMohau Nkota esikwatini sakamuva seqembu lesizwe.
Lo mdlali ulizwa ngendaba ijezi kulezi nsuku eSuadi Arabia, kanti kuke kwavela imibiko ethi angase akhuze ibuya kuleli nge-loan njengoba ebheke ukudlala kwi-2026 FIFA World Cup.
UNkota uvakashe kuleli izinsukwana kanti kuvela ukuthi uziqeqesha ne-academy kaLehlohonolo Majoro, uzama ukufunda ukushaya inethi kangcono.
“Uma sikhuluma ngoMohau Nkota, ngicabanga ukuthi udlula esikhathini esinzima njengamanje. Emasontweni amane edlule kushone ubaba wakhe,” kusho uBroos engxoxweni neSABC Sport.
“Uphinde waphuma esikimini eqenjini alidlalelayo eSaudi Arabia. Angiboni kungaba yinto enhle ukumthatha sicele adlale.
“Umdlali osakhula lo, niyazi abadlali babuye babenjani. Ukube wumdlali onamava mhlawumbe ngabe uyakwazi ukumelana nadlula kukho.”