Udaba: uSphamandla Gumede
Kubukeka sesizoqala ukuhlasela isifo sokuphunyukwa iqatha emlonyeni esibhekana neRichards Bay FC uma sekufanele ishayele isipikili sokugcina kwiGladAfrica Championship.
IBay idlale ngokulingana noThongathi eKinh Zwelithini namuhla. Umdlalo uphele ngo 2-2.
Amaphuzu amathathu abezosondeza iBay kwiDSTV Premiership njengoba sebeyibukela eduze. Uma i-University of Pretoria inqoba kwiVenda Football Academy kusasa, iBay izokwehlela endaweni yesibili kwiligi kodwa bazolingana ngamaphuzu angu-48.
IBay yenza okufanayo ngesizini eyedlule ihluleka ukunqoba isicoco iwelele esigabeni esiphezulu.
Uayizihola esicongweni isikhathi eside kodwa yahluleka ukunqoba imidlalo ebalulekile, yaphetha ngokulala isibili, yashabalala kumaPSL playoffs.
Isalelwe iTS Sporting ekuhambeni neCape Town Spurs. Amaphuzu ayisithupha kuphela azoqinisekisa indawo yabo kwiDSTV Premiership ngesizini elandelayo.