IChippa United isiqale izingxoxo noLuc Eymael ngenhloso yokuvala isikhala esishiywe uDaine Klate.
U-Eymael usabambe kwi-Ittihad Misrata eLibya. IChippa isichazeliwe ngemali okufanele iyikhokhe uma izimisele ngokusayinisa lomqeqeshi.
USihlalo weqembu uSiviwe Mpengesi useke wazama ukukhuluma no-Ernst Middendorp noKurt Lentjies kodwa izingxoxo aziphethanga kahle.
U-Eymael wayesemenyezelwe njengomqeqeshi omusha weChilli Boys ngo-2020, kodwa iqembu laphoqeleka ukuthi linqamule isivumelwano njengoba lomqeqeshi wayesolwa ngokucwasa ngokwebala eTanzania.
UMpengesi wagcine eyivumile ingcindezi yabalandeli, neSAFA yaqinisekisa ukuthi lomqeqeshi akasophinde asebenze eNingizimu Afrika.
Ikomidi lobuqotho leSAFA lagcina limesulile u-Eymael.