IKaizer Chiefs isimemezele ukuthi izobonga umdlali osehlala iminyaka engu-25 kuyo, u-Itumeleng Khune, emdlalweni wayo wokugcina eFNB Stadium kule sizini ngoMgqibelo.
IChiefs izotholana phezulu nePolokwane City ngo-3 ntambama ngaphambi kokuvala isizini ngomdlalo neqembu elidliwe yizembe iCape Town Spurs ngo-25 May.
Umdlalo wangoMgqibelo uzoba ngokhethekile njengoba kuzobongwa uKhune (36) ngomsebenzi asewenzele leli qembu eminyakeni engu-25 edlule.
UKhune usenqobe iznkomishi ewuzu-13 kwiChiefs. Unqobe isicoco seligi kathathu. Esokuqala wasithola ezikhuhlela ibhentshi ngesizini ka-2004/05. Wadlala indima enkulu ngesikhathi Amakhosi enqoba isicoco ngo 2013 nango-2015 ngaphansi kukaStuart Baxter.
Unqobe iTelkom Knockout Cup neMTN8 izikhawu ezine phakathi kuka-2004 no-2015.
Ngaphandle kokudla ama-cup neChiefs uKhune unenqwaba yezindondo eziqondene naye nqgo njengoba waba yiTelkom Knockout Cup Goalkeeper of the Season ngo-2007. Ngo-2008 wamenyezelwe njengeNewcomer of the Year kumaSouth Adfrican Sports Awards.
Ngalowo nyaka kuma-awards ePSL waba yiPlayer’s Player of the Season neRookie of the Year.