Umgadli uCaleb-Bonfils Bimenyimana usevumile ukujoyina iKaizer Chiefs ayihlaba umxhwele ngesikhathi esazama inhlanhla.
Umqeqeshi u-Arthur Zwane wayelokhu eshilo ukuthi useshoda ngomgadli oyedwa vo ukuze kuzophelela isikwati sakhe kulesizini.
UZwane wayekubeke obala ukuthi ufuna umgadli okwazi ukubamba ibhola, alinde ukuphasela ozakwabo abadle nejubane nomjiko njengoKeagan Dolly, Khama Billiat no-Ashley Du Preez.
UBimenyimana usevume ukusayina inkontileka yeminyaka emibili, ebekwe nombandela wokwelulwa ngomunye unyaka. Uzomenyezelwa kungekudala.
UBimenyimana (24) washaya amagoli amabili emidlalweni yobungani ngesikhathi esekhempini neChiefs.
NgoMsombuluko, umqeqeshi weRayon Sport uChristian Haringingo wadalula ukuthi lomgadli angeke asayine kuleliqembu yize kwase kukhona imibiko eyayikhomba ukuthi ukhuza ibuya.