IChelsea ifuna ukusayinisa isitobha seManchester United uHarry Maguire ukuze izodedela uChristian Pulisic ofunwa amaRed Devils.
Ngokombiko weDaily Mail, iChelsea isicele ukukhuluma noMaguire ohlelweni lwayo lokubolekisa ngoPulisic kwi-United.
UPulisic akeneme kwiBlues emkhuhlisa ibhentshi njengoba enenkontileka ephela eminyakeni emibili.
IChelsea isaqhubeka nezingxoxo zokusayinisa esinye isitobha kwiLeicester City uWesley Fofana. ILeicester ifuna u-85 million wopondo baseBritain, okuyimali enkulu kwiChelsea ebeke u-75 million kuphela.
I-United izimisele ngokwamukela noma u-25 million ngoMaguire onuka manambana kubalandeli.
Kuvela ukuthi umqeqeshi weMan United u-Eric Ten Hag ucabanga ukubeka uMaguire ebhentshini emdlalweni weLiverpool ngoMsombuluko.