Unozinti weBafana Bafana uVeli Mothwa uphinde wenza iphutha elidlisele iqembu iPolokwane City ishaya AmaZulu FC ngo 2-1 kowokuqala weBetway Premiership e-Old Peter Mokaba Stadium ngoMgqibelo.
Bekubukeka umdlalo uzophela zibambene ngemuva kwegoli lika-Etioa Ighodaro nelikaBulelani Nikani kodwa iphutha elenziwe wuMothwa esikhathini esengenziwe siphe iRise and Shine amaphuzu aphelele. UMothwa uhluleke ukubamba ibhola elilula emoyeni, laqathakela kuTholo Matuludi wahlaba wadla.
USuthu ludliwe nje beliwuphethe umdlalo futhi lakhe amathuba amangcono okukora, elilodwa lashaya epalini.
AmaZulu azobhekana neKaizer Chiefs emdlalweni olandelayo ongoSeptember 25 eMoses Mabhida Stadium.