Umqeqeshi weMamelodi Sundowns uManqoba Mngqithi uthi alikho iqembu abekade belimincele ngesikhathi kuqhathwa imidlalo yama-semi-finals eMTN 8 ngoMsombuluko.
ISundowns iqhathwe ne-Orlando Pirates emidlalweni yemilenze emibili yesemifinal.
“Bekungenzeka sibhekane naMaZulu noma iKaizer Chiefs. Wonke lamaqembu adlala kahle kulezinsuku, Bekuphoqa ukwamukela noma yini esiyitholayo.
Siyalithemba iqembu lethu. Sikholelwa ekutheni bazokwazi ukuvikela lendebe. Sizozinikela kulemidlalo, sihloniphe nezimbangi, angeke sibukele phansi iqembu esizobhekana nalo,” kubeka lomqeqeshi.
IBucs iyiqembu lokugcina elanqoba iMTN 8 amahlandla amabili kulandelana ngonyaka ka-2010 kuya ku-2011.