Kubikwa ukuthi umgadli weBafana Bafana uPercy Tau uzama ngokusemandleni ukuze ezophuma eGibhithe ebambe izingxoxo zokumbolekisa kwiLe Havre yaseFrance.
UTau (28) usalelwe iminyaka emithathu kwinkontileka yakhe ne-Al Ahly esimtshele emehlweni ukuthi akasadingeki.
Kubikwa ukuthi uTau uzimisele ngokubuyela e-Europe, ayosebenza noLuka Elsner owayengumqeqeshi wakhe kwi-Union Saint Gilloise eBelgium.
UTau ukhulume nemenenja yakhe ecela ukuthi i-Al Ahly idedele abuyele eFrance. ILe Havre isibeke u-$3 million (R5 million) etafuleni, okuyimali ezoyikhokha uma iboleka lomdlali.
ILe Havre I nemali kulezinsuku njengoba idayise u-Isaak Toure osayine kwi-Olympique Marseille ngo-€5 million.
Iwindi lokuhwebelana ngabadlali eFrance lizovala ngomhlaka 1 kuSepthemba (23:59).