Izakhamuzi nosomatekisi baseMpumalanga bamise yonke into kulesifundazwe ngoLwesithathu nangoLwesine bebhikishela ukunyuka kukaphethiloli, abathe unyusa nentengo yokudla. 

Imizila emikhulu engena kulesifundazwe ibivalwe ngamaloli, edolobheni lakhona Ngokombiko weTimes Live kuthiwa abanye abashayeli bamaloli bakhishwe ngoshova kuwo, ase athathwa amaloli avimba umgwaqo. Abagibeli basale dengwane kanti amabhizinisi akulendawo awazange avule ngenxa yombhikisho. 

Amaphoyisa abophe osomatekisi abawu-15 ngaloku. Izolo ekuseni KwaZulu Natal amaloli abevale umgwaqo omkhulu uR34 John Ross ophakathi kweMpangeni neRichards Bay.