Kungenzeka bakhishwe eMayfair abadlali abalizwa ngendaba ijezi kwi-Orlando Pirates njengoba sezisondela izinsuku zokuvalwa kwewindi lokuhwebelana ngabadlali.
USandile Mthethwa noMonnapule Saleng kungenzeka babolekiswe nakulesizini.
USaleng ubebolekiswe kwiSwallows FC ngesizini ka-2021/22 kodwa isikimu ubengasitholi kakhulu. UMthethwa ubedlala kwiChippa United abesejwayele ukubolekiswa kuyo.
IBucs ihlela nokuchitha uTerrence Dzvukamanja osalimele okwamanje. Izingxoxo ngekusasa lakhe ziphazanyiswe ukulimala.
Iwindi lokuhwebelana ngabadlali lizovalwa ngomhlaka 22 kuSepthemba ngoLwesine.