Azotholakala ngoR20 amathikithi omdlalo weBafana Bafana neMorocco kuze kushaye uLwesithathu ngesonto elizayo njengendlela yokugqugquzela abalandeli ukuthi bagcwalise inkundla.
IBafana Bafana izobhekana neMorocco ngoMgqibelo ngo-17 June kumdlalo wokuhlungela i-Africa Cup of Nations.
IBafana inamaphuzu amane ku-Group K, ikunombolo 2, isele ngamaphuzu amabili kwi-Morocco ekunombolo 1.
