Abadlali beTottenham Hotspur sebeshicilele isitatimende ndawonye bexolisa ngesibhaxu abasithole kwiNewcastle United ngempelasonto, bathi bazozama ukubhodlela kwiMan United ngoLwesine.
INewcastle ibukise ngeSpurs eSt James Park abalandeli bayo baqala ukuphuma enkundleni esiwombeni sokuqala njengoba kuyiew ekhefini idliwa ngo 5-0.
NgoMsombuluko iSpurs imemezele ukuxoshwa kukaCristian Stellini obebambile kwesokuqeqesha, izintambo zanikezwa uRyan Mason owayengumdlali waleli qembu ngaphambi kokuyeka ibhola ngenxa yokulimala.
ITottenham imatasa ithungatha umqeqeshi omusha ozopheka iqembu ngokuphelele ngaphambi kwesizini ka-2023/2024. Ngokwemibiko evela e-UK kungenzeka iqashe uJulian Nagelsmann oxoshwe yiBayern Munich.