Umlingisi obethandwa ngabaningi emdlalweni okhonjiswa kwiNetflix, i-How to ruin Christma, uBusi Lurayi, akasekho emhlabeni. 

Ngokomthombo ongashayi eceleni kwezikamabonakude uPhil Mphela uBusi udlule emhlabeni ngeSonto kwakhe, kanti imbangela yokushona kwakhe ayikaziwa. 

Esitatimendeni esikhishwe umndeni kaBusi esisezinkundleni zokuxhumana, baqinisekisile ukuthi lomlingisi utholwe izolo engasekho. 

“Sisalinde ukuthola ukuthi yini imbangela yokufa kwakhe,” kuchaza umndeni.

Lomlingisi uke wabonakala emdlalweni eminingi okubalwa kuyo owamahlaya obudlala kwi-SABC 1 City Sesl’a, wadlala kwiSokhulu and Partners. Ushona nje yena nozakwabo kade beqopha umdlalo i-How to ruin Christmas.