Owayengumdlali weKaizer Chiefs uSiyabonga Ngezana uzodlala kwi-Europa League kule sizini kulandela ukushaya iLASK kweyokuhlungela ukudlala kulo mqhudelwano.
IFCSB igcine idlule ngo 2-1 (aggregate) kulandelana ukunqoba umdlalo wayizolo ngo 1-0. UNgezana uphinde washaya into yokubukwa kulo mdlalo njengoba bebevale thaqa emuva.
Lo mdlali ubesethubeni lokudlala kwi-UEFA Champions League kodwa kwabheda sebedlala eyokuhlungela, behlela kwi-Europa League.
Lo mqhudelwano uzohluka kule sizini njengoba uzoba namaqembu awu-36 azofakwa kwitafula elilodwa kodwa iqembu ngalinye lizodlala okungenani imidlalo ewu-8…bese kuthathwa amaqembu akwi-top 8 azodlulela kwi-last 16. Amaqembu aqede kunombolo 9 kuya ku-24 azobhekana kuma playoff anemilenze emibili ukuze nawo adlulele kwi-last 16.
Imidlalo ye-Europa League izoqala ngesonto lokugcina kuSeptember.