UKhethukuthula Ndlovu usesayinile ngokusemthethweni neRoyal AM ngemuva kokuxwayiswa yizikhulu zeqembu ngezenzo zakhe.
UNdlovu akafikanga ejimini yeRoyal AM ngesonto eledlule yize engomunye wabadlali abasha abethulwa yiqembu.
AbeSABC Sport babika ukuthi abammeli neThwihli Thwahla bathumela incwadi yesexwayiso kuNdlovu, bemxwayisa ngesenzo sokungayihloniphi inkontileka neqembu.
Yize wayekade evumile ukujoyina IRoyal AM, uNdlovu ubengakaze asayine inkontileka neqembu, okuyiyona ebizoqinisekisa ukusayina kwakhe ngokusemthethweni.
Imenenja yakhe uSboniso Ngubane utshele abeDiski Times ukuthi isilungisiwe indaba yenkontileka kaNdlovu, usayine iminyaka emibili neqembu.
UNdlovu udlale emidlalweni engu-27 ngesizini ephelile yize ebesakhasa kwiDSTV Premiership kwazise usayiniswe esuka kuThongathi oludlala kwiMotsepe Foundation Championship.