Ibhantshi ligcwale umoya kuJose Mourinho kwi-AS Roma kulandela ukuhluleka ukubeka iqembu endaweni ehloniphekile kwiligi kule sizini.
I-AS Roma ikunombolo 9 ngemuva kwemidlalo ewu-20, okuyinto ekhathaza abaphathi beqembu njengoba bekunethemba lokuthi bazobe belwela ukungena kwiChampions League kule sizini.
Kumasizini amabili edlule uMourinho ufake iRoma kwi-UEFA Conference, okuwumqhudelwano awunqobile ngo-2022, waphinde wayibeka kowamanqamu we-Europa League ngesizini edlule.
“Siyabonga kuMourinho ngakwenzele iqembu selokhu afika. Siyohlale simkhumbula ngemisbenzi yakhe, kodwa sikholwa wukuthi sidinga ukwenza ushintsho manje.
“Simfisela okuhle kodwa uMourinho nabasizi bakhe.”
UMourinho uxetshulwe yi-AC Milan ngo 3-1 emdlalweni wakhe wokugcina njengomqeqeshi weRoma.
Leli qembu lizobhekana neVerona ngoMgqibelo.