Zisaqhubeka izinkinga ezibhekene neSwallows esolwa ngokunqaba ukukhokhela abadlali ababili ababeyingxenye yeqembu ngesizini ka-2014/15.
Ngokombiko weSunday World, iSwallows FC yagcina ingabakhokhelanga abadlali baseSerbia ngokobuzwe uVladimir Mandic no-Obren Cuckovic.
Iqembu ladayiswa sekuphele isizini ka-2014/15, kwabuya sekunabaphathi abasha. Labadlali baqome ukubika udaba kwiFIFA.
Ngokombiko weSABC Sport, uSihlalo weSwallows uDavid Mogashoa uthi ulindele isinqumo esiwujuqu kulelisonto elizoqala.
“Udaba siyalazi, sibhekene nalo emahhovisini. Asikhathazekile kakhulu. Sihleli phezu kwalo udaba, sizolulungisa, isigwebo seFIFA sizoxegiswa,” kubeka uMogashoa ecashunwa abeSABC Sport.