Umdlali waseGermany oyibamba esiswini kwiManchester City, u-IIkay Gundugan, kulindeleke ukuthi ajoyine iBarcelona uma kuphela isizini.
Lo mdlali oneminyaka ewu-32 uphelelwa yinkontileka kwiCity ngoJune nonyaka. Ngokwemibilo evela eSpain, iBarcelona izimisele ngokunikeza lo mdlali inkontileka yeminyaka emibili.
UGundogan usehlale kwiCity kusukela ngo-2016. Njengoba kuvela ukuthi uPep Guardiola uzimisele ngokwakha kabusha iqembu lakhe uma kuphela isizini, iyaqina imibiko yokuthi lo mdlali uzoba ngomunye wabazovunyelwa ukuhamba.
Ngokwemibiko, umqeqeshi weBarcelona, uXavi, usefake isicelo esikhethekile sokusayinisa lo mdlali. Kuzokhumbuleka ukuthi iBarca isabhekene nenkinga yemali, okusho ukuthi izobe ibabheke ngabomvu abadlali abaphelelwa yizinkontileka e-Europe.