Kubikwa ukuthi usebuyele kuMaZulu FC uRamahlwe Mphahlele kulandela ukuxoshwa kukaRomain Folz kwesokuqeqesha.
UMphahlele ubeseshiyile kuSuthu benoKeagan Buchana, okuyizindaba eziqinisekiswe wumnikazi waMaZulu, uSandile Zungu ngeledlule.
Izolo AmaZulu agcine eqoke ukuxosha uFolz, onikezwe umthoba nhliziyo wokuba yiTechnical Director ezoluleka abaphathi beqembu kuze kuphele isizini.
Ngokombiko weSABC Sport, umqeqeshi obambile u-Ayanda Dlamini uqoke ukumbuyisa uMphahlele kwazise kule sizini ubengomunye wabadlali abaqale imidlalo emningi kuSuthu.
AmaZulu azobhekana neCape Town City ngempelasonto.