Owayengumgadli we-Arsenal neManchester City, u-Emmanuel usephumele obala ngesifiso sokubona uVictor Osimhen ebhakuzisa inethi kwiPremier League njengoba iqina imibiko yokuthi usefuna ukuyishiya iNapoli.
Muva nje lo mdlali uchithe imibiko emkhomba eSaudi Arabia ngesizini ezayo, kanti kunabanye abathi kungenzeka azinze e-Italy.
U-Adebayor nokho ufuna ukumbona elihlikisa ezweni lamaNgisi.
“Ngiyamkhulekela ukuthi aye kwiPremier League ukuze aziveze ukuthi usezingeni eliphezulu kangakanani. Ayikho iligi enzima futhi emnandi ukudlula iPremier League emhlabeni,” kuchaza u-Adebayor.
“Usekuvezile akwazi ukukwenza e-Italy. Ngicabanga ukuthi yisikhathi esihle lesi sokuthi ayovala isikhala esashiywa wuDidier Drogba okuwumdlali abukela kuye. Kumele ayozakhela igama njengoDrogba e-England.