Umqeqeshi weKaizer Chiefs u-Arthur Zwane usechaze ngesinqumo sokuqalisa u-Edmilson Dove endaweni yezitobha emdlalweni weSuperSport United ngempelasonto.
IChiefs yanqoba lomdlalo ngo 2-1 eFNB Stadium.
UZwane wamangaza abaningi eqalisa uDove kulomdlalo. UMangethe ubejwayele ukudlalisa uNjabulo Ngcobo noma uSiyabonga Ngezana, oyedwa wabo alekelele uZitha Kwinika.
“Bayadingeka abadlali abanesipiliyoni ukuze bezosiza abadlali abasebancane. Lokho kuzosiza nabadlali abasha ukuze bezojwayela ngokushesha. Sizama ukuqala ibhola kabusha, sidinga abaholi.
Kudingeka abadlali abazoqonda izinhlelo zeqembu. Ukhona uKhune (Itumeleng), ukudlalisa uDove kwenze umehluko omkhulu.
Ukudlalisa umdlali okhahlela ngonyawo lwesokunxele kusizile sakwazi ukushaya amaphasi amahle kuleyandawo, nendlela ebesihlekele ngayo ibibonakala.
Kubonakele namuhla. Umehluko ububonakala uma uqhathanisa nemidlalo eyedlule ebesidlala yona kukhona umdlali okhahlela ngesandla sokudla. Amaqembu abekwazi ukusivala uma sisahlanganisa amaphasi,” kubeka lomqeqeshi.