I-Orlando Pirates iyivule nge-draw imidlalo yobungani yokulungiselela isizini ka-2024/25 ibambana nePlymouth Argyle ngo 2-2 eBanus Football Centre, eSpain.
Ezimnyama zikore kuqala kulo mdlalo u-Evidence Makgopa evalela igoli ngomzuzu ka-59. EzikaWayne Rooney zisheshe zabuya u-Issaka evalela igoli ngemuva komzuzu owodwa besuse ibhola. Aqhubekile nokungena ngokushesha amagoli kungena elinye ngomzuzu ka-42 u-Olisa Ndah evalela igoli ngemuva kwe-corner kaRelebohile Mofokeng abadlali bePlymouth abahlulekile ukuyichitha ngokushesha.
Orlando Pirates Starting XI:
XI: Chaine, Maela, Ndah, Mthethwa, Lebitso, Makhaula, Rasebotja, Saleng, Maswanganyi, Mofokeng, Makgopa.
IPlymouth ibuye emdlalweni ngegoli elivalelwe wuCallum Wright ngomzuzu ka-63. Ngemuva kwaleli goli umdlalo uthe ukuphola kancane, zikhombisa ukuba ndala zombili ebholeni noma ibiligcina kangconwana ibhola iPlymouth.
IPirates izobhekana neqembu eligijima kwiLa Liga, iSevilla, ngoJuly 15. Kuleli sonto ithole ukuthi iqhathwe neCNaPS Sport yaseMadagascar kwiFirst Preliminary Round yeCAF Champions League. Umlenze wokuqala ungo-August 16.