Umqeqeshi weManchester City, uPep Guardiola, uthi ezakhe kuzomele zidlale ezingeni eliphezulu ukuze zizokwazi ukudlula kwiBayern Munich kwiChampions League.
UPep ubeke lo mbono ngaphambi komlenze wokuqala wequarterfinal neBayern Munich ozodlalelwa e-Etihad Stadium.
Sekunesikhathi iMan City izama ukunqoba lesi sicoco kodwa kuhlale kuyibhedela kwi-knockout round.
“Sifuna ukuphinde sizame. Sengikulindele ngabomvu ukubhekana neqembu elikhulu njengeBayern kulesi sigama somqhudelwano. Asikuthathi kancane. Kumele udlale kahle ukuze ufike kulesi sigaba.
“Sizamile nakumasizini edlule kodwa sivame ukubhekana namanye amaqembu asezingeni eliphezulu nawo asuke ezama ukuyinqoba [i-UCL]”.
EzikaPep zizobhekana neBayern esiphekwa wuThomas Tuchel, owayengumqeqeshi weChelsea ngesikhathi ishaya iCity kwifinal yango-2021.