ISuperSport United isaqhubeka nemizamo yokuqinisa isikwati sayo njengoba sezisondela izinsuku zokuvalwa kwewindi lokuhwebelana ngabadlali.
ISuperSport iqale ngokusayinisa uSiphesihle Ndlovu odedelwe yi-Orlando Pirates.
Umqeqeshi uGavin Hunt ubelokhu ebalise njalo ngokushoda kwabadlali abasezingeni kuleliqembu.
ISuperSport isiqalile ngezinhlelo zokusayinisa uPhathutshedzo Nange weKaizer Chiefs noSibongiseni Mthethwa oyisethenjwa kwiStellenbosch FC.
UHunt uzimisele ngokuphinde asebenzisane noNange ayesebenzisana naye kwiBidvest Wits.
AmaTsatsantsa azimisele ngokulinda kuphele inkontileka kaNange ngoJuni 2023 uma iChiefs ingavumi ukumdayisa. UNange engakwazi ukusayina inkontileka yesibambiso ngoJanuary 2023.
UNange usalelwe izinyanga eziyisithupha kwinkontileka yakhe neChiefs emkhuhlisa ibhentshi selokhu kufike u-Arthur Zwane.
ISuperSport izimisele ngokuhambisa uJamie Webber kwiStellenbosch ukuze izothola uMthethwa. IMamelodi Sundowns neRoyal AM bayafuna lomdlali.
AmaTsatsantsa asagaqele ukusayinisa uGift Motupa onyiwa isikimu kwiSundowns.